Republik Rahatan Bumiayu ( Bagian 4 )

Dina esuke,
Talib Gasik nemen maring nggone Tabri..."kulonuwun,kulonuwuuunnn...Bri..Tabriiii!!..maring endi sih yah kiye wong"...Talib bludus bae mlebu ning umahe Tabri,wonge langka tapi ora kandegEn lawange ngeblag.
" Bri...Tabriii!! "..." Hoii iya,iya...nyong nang Kakus, lagi mletet,sapa sih yah"...Tabri gendoakan sing njero Kakus.."nyong Talib Bri,ya wis diterusna ndisit mletetE"..talib Njagong ning ruang Tamu..."gawe kopi dewek ndisit ya kena Lib,nyong lagi mules nemen koh,mau bar subuh mangan petise Bi Rawen rong pincuk,anjoge mules".."Iya Bri..Mulane ari mangan petis aja karo PincukkanE".."hhooo wadukmu,dianggepe nyong wedus apa".

Krekeeeeettttt suara lawang kakus mbuka, Tabri metu karo mbenerna kolore.
" Ana apa Lib,.. tumben kon gasik nemen mene,biasane kon mbok ari tangi kebluk".." gyeh Bri kon pan nemuni kiyai-kiyai  kapan,iloken waktu seminggu cukup nggo nemuni kabeh?"...'Dih aja kuatir Lib,nyong wis nduwe rencana sing jitu nemen".." rencana apa Bri"..." gyeh Lib daripada muter-muter nemuni sekabehan kiyai mending nemuni kiyai siji sing paling nduwe pengaruh ning seantero wilayah kidul,nyong wani njamin,ari kiyai kuwe manut,kiyai liyane bakal manut kabeh"..." Kiyai sapa Bri,..Tolih kapan pan nemuninE"..."Kiyai Jarkoni Lib,..dina kiye nyong pan nemuni"..."sapa Bri..Kiyai Jarkoni,sing wong desa pancurawis kae bri..??..iloken Kiyaine gelem melu kudeta,mbokan Kiyai kuwe tah wis ora ngurusi perihal duniawi,wis dadi wong sufi"...

"dih dirayu ding nyong pasti nurute Lib..kon pan melu belih?"..." ya nyong pan melu,mbarah nong pengin weruh kaya apa kon cara ngrayune"..." ya wis,..delat nyong pan ganti nggo klambi sing bener ndisit"....Man Tabri mlebu kamar ganti nggo klambi takwa karo nggo peci ireng,cellanane tah ajeg nggo celana favorit, celana komprang..." wis yuh mangkat Lib"...wong loro boncengan nggo pit ontane man Tabri maring nggone Kiyai Jarkoni.

Sekilas Kiyai Jarkoni.
Kiyai Jarkoni kiyai paling kondang ning seantero Mrebes Mili Kidul,asline wong desa pancurawis,gemiyen deweke mergurune ning jombang,deweke pernah mengelana keliling indonesia mlaku,sakti nemen deweke,mulane kiyai-kiyai liyane pada hormat,tolih ya saiki umure wis pitung puluh taun,bojone papat akur kabeh,bojo pertamane arane Siti Bapukiilah,bojo kelorone arane Siti Semokilah,bojo ketelune arane Siti Nikmatilah,Bojo sing terakhir arane Siti Naudzubilah.

Jumlah anake Kiyai Jarkoni kabeh wolu likur,bojo nomer siji anake pitu,nomer loro anake pitu,nomer telu anake pitu,nomer papat anake pitu,Kiyai Jarkoni ngadegna pondok Pesantren arane " Pondok Berbagi Cinta ",santrine ribuan,sekolahane mulai sing Paud nganti SMA ana kabeh,tamune Kiyai Jarkoni ya banget ding akehe,nganti Sak klambine Kiyaine kebek ding amplop,marakna deweke dadi sugih nemen,mobil,motor,sapi,sawah deweke nduwe,Kiyai Jarkoni ora pilih-pilih tamu,sapa bae diterima,mbuh pejabat mbuh penjahat, mbuh sugih mbuh mlarat, diladeni kabeh,mulane wong-wong pada betah nggone kiyai Jarkoni.

Man Tabri rengosan nggenjot pit si Talib ora gelem gentenan njalana.." Lib gantian rah nyong teol nemen yakin sikile"..." lah moh lah pite kon tah sadelE duwur nemen negsih plakanganku lEdEs kabeh rah,delat maning anjog ikih,ora usah ngresulah".." lah alesan kon tah,mulane ari tangi turu kuwe ngulEt ndisit ben awake mulur,kon tah awit bayi ora tau ngulEt sih yah,dadine bujel nganti tua"..." brisik Bri !! tak tabok ngko cocote raimu"....wkwkkwkwkwkw man Tabri ngekek seporEtE weruh talib kedugalen raine abang mangar-mangar.

"wis gagiyan mlempat Lib aja njagong bae"..." lah ya mandeg ndisit rah Bri,nesih jalan nyong mlempat tah nengsih raine nyong bungsut kabeh"...jebulane ora krasa wong loro wis anjog ning ngarep umahe Kyai Jarkoni.

" Dih Bri rame nemen tamune,kye tah nengsih ketemune mbuh jam pira"..." Gyeh Lib ben cepet dewek ketemu karo Kiyaine,ngko ari ditakoni ding penerima tamune kon meneng bae aja ngomong sing ngomong nyong bae"..." lah bisane Bri?".." wis ,kon gari nurut koh aja nyocot,yen nyocot kon tak jejeli sandal yakin".." iya,iya nyong pan meneng"...talib bule kewedinen weruh tabri raine serius nemen.

" Asalamualaikuuummm"..tabri karo talib bule nyalami maring santri sing dadi penerima tamune.." walaikumsalam pak,saking pundi nggih?"..santrine takon ning tabri karo talib.." nyong wong karangturi nang arane Tabri..kiye kancaku wong belanda arane Robert Talibi".."ooh bade kepanggih kalih pak kiyai nopo?"..."iya nang,kiye kancaku sing belanda sengaja mene pan mlebu islam,maune kiye uwong ora nduwe agama"...man tabri njawab karo nahan gemuyu,talibe merek ning Tabri karo nyiwit wetenge tabri,rupane deweke kesuh nemen diarani wong ora nduwe agama...." subhanallah alhamdulilah,bade dados mualaf,dih panjenengan mulya nemen pak gelem purun ngateraken tiyang badhe mlebet agama islam"..."lah terus priben kiye nang,nyong kudu cepet nemukna wong landa kiye karo kiyaine,angger kesuwen mbokan mutungi malah dadi ora sida mlebu islam"..."nggih,nggih pak,kulo bade matur kali abah kiyai rumiyin".

barang wis ana sepuluh menit santrine metu maning nemuni Man Tabri,..." Pak njenengan di kEngkEn mlebet"..." Ya Lib,siasate nyong jitu nemen,mau angger ente nyocot nengsih ngenteni banget suwene"..." jitu sih jitu,tapi ente keliwat nemen ngarani nyong ora nduwe agama"...wong loro risik-risikan tapi karo pecicil-pecicilan.

akhire wong loro mlebu ketemu karo Kiyai Jarkoni.


Bersambung....