DONGENG WIROG 7

" Daning ngaleg-ngaleg temen kaeh Kang Kober,jarene mung sedelat",si Mandung ndrememel. " Lah ya mesti lagi kelon karo bojone rah ndung".Jilo semaur. " Dinggeng bae yuh,mbarah kayangapa kae wong ari lagi kikuk-kikuk". Megal megol ngejak Mandung karo Jilo.
" Husss..sembarangan bae kon tah, aja sokan kaya kuwe,kikuk-kikuke menungsa kwe mlebune ibadah".Mandung maido ning megal megol. Krekkeeee...eeettt...suara lawang mbuka.
" Hayuuuuhhh...pada mikir ngeres gyeh mesti?". Inyong metu sing umah.
“ jarene pan turu kang?...belih sida apa..?”. Kucing Mandung semaur ning inyong.

“ lah bocaeh wis anteng ikih,tolih inyonge gen durung ngantuk”.
“ Om inyong pan takon,bisane ari menungsa kikuk-kikuk mlebune ibadah,angger kewan tah dudu ibadah,priben kwe alesane”...Jilo ujug-ujug takon kaya kuwe.

“waduh...priben yah njelasnane,inyong dewek madan bingung kweh”,inyong kukur-kukur ora gatel mikirna takonane Jilo...” Kayane tah kaya kiye nean Lo,sebab ana prentah sing Gusti Alloh menungsa dikongkon ngakehi keturunan,ari prentahe sing Gawe urip dilakoni ding menungsa ya kuwe mlebune ibadah”.

“ Lah inyong gen ya diprentah kaya kuwe daning ora diarani ibadah?”....Jilo semaur maning.
“ Lah kon nduwe agama belih Lo?”,
“ Agama sih apa Om?”,..Jilo takon kayong raine penasaran nemen.
“Ajiib maning kiye,inyong takon malah kone mbales takon maning?”,
“ Lah yong inyong belih ngarti rah Om,mbarah njajal dijelasna kweh apa definisi agama”.

“Ngko ndisit inyong tak mikir”....inyong meneng karo ngeling eling pelajaran jaman esih sekolah,apa sih yah agama?.

“ Agama kwe tata cara atawa aturan berhubungan karo Gusti Alloh ( hablunminalloh ) terus berhubungan karo menungsa ( hablunminanas ),inyong ngartine mung semono tok Lo”.

“Lah ari inyong kan mung diprentah madang,manak,mati tok rah Om,lah yong inyong tah bangsa kewan”...Jilo semaur maning.
“ Iya yah Lo,berarti angger menungsa mung madang,manak,bar kuwe mati...arane ora beda karo kewan yah Lo?”.

“ Ya rika ikih sing ngomong dudu inyong”....Jilone semaur karo mesem.
“ daning saya wengi ngobrole saya mentit yah Lo”.
“Wis lah aja ndopok agama,yong akeh akehe agama nggo dolanan tok,nggo luruh duit,nggo kampanye,kelakuane tah ora pas karo ajaran agamane”.
“ Hidiiihhh....daning kon ari ngomong kaya kuwe Lo,aja suudzon ndisit rah,ora kabeh menungsa kaya kuwe”...inyong semaur belih trima.

“ Lah yong nyatane,inyong sering maca ning dalan-dalan tulisan ( Kebersihan adalah sebagian dari iman ),nyatane ngguang runtah gen pada janji ber,angger atine menungsa nembe ana imane separo barang anuk deweke mbuang runtah janji ber,brarti imane entek rah?”.

Jawabane Jilo mbok sentug ning atine inyong,inyong dadi kelingan omongane ustade inyong jarene omongan apik kwe sing Gusti Alloh,aja ndeleng kayangapa bentuke sing ngomong, mbuh kwe sing ngomong bocah cilik,apa wong edan,apa preman ning pasar,apa wong bodo angger sekirane bener ya atine dewek kudu nrima.

“ Iya yah Lo,bener nemen omongane kon,inyong menungsa malah ora kepikir anjog mono”.

“ woiiiii...ndopok dewek bae,inyong karo kucing mandung dicueki,ari pan ndopok agama mana ning masjid Agung,kaeh mumpung lagi ana raja dangdut”...Siti Megal megol nyindir dumehe inyong karo Jilo ngobrol dewek bae.

“ Kader ana Raja Dangdut ning Masjid nong Gol?,tolih pan apa sih ning Masjid,pan dangdutan tah ning panggung rah”...Kucing Mandung semaur.

“iya krungu-krungu pan nyalon”.

“ Nyalon...?...lah jenggote pan direbonding apa?...ari pan nyalon tah ning Arie Salon,apa ning Budi Salon,angger pan nyambi nyate ya ning Wati Salon,pinggire ana warung satene”...Kucing Mandung heran.

“Diiiihhh...kiye maning ora mudeng,Nyalon Presiden dudu Nyalon pan Rebonding,ari Raja dangdut jenggote direbonding sih mengkone dadi Raja Alay rah”.

wkwkkwkwkwk...sungguh ter..la...lu....inyong karo Jilo gembuyu ngekrek krungu si Mandung ora mudeng omongane Siti Megal megol.

“ Dadineng kuwe ceritane lagi kampanye apa Gol?”,...inyong semaur.
“ Ya embuh...ning judule tah ya Pengajian Akbar,..kiye wulan apa sih yah,..Mulud apa Rajab...biasane tah ari pengajian Akbar ya wulan-wulan kuwe”.
“ Ya nean kiye lagi ora biasane rah gol”.

“ Maklum yah Om...pemilune wis perek dadine segala cara nggo kampanye”.Jilo nambaih ngomong.
“ hisss...aja kaya kuwe kon,mbokan bae niate temenan ibadah,wis wis lah aja pada suudzon,ndopok liyane bae yuh sing enak nggo ndopok”.

“ Wengi-wengi kaya kiye tah enake nggo tafakur rah”.
“ Tafakur sih apa Om..?”...Mandung,Jilo karo Megal megol semaur bareng.


Bersambung....
26022014