DONGENG WIROG 2

Barang nembe ana rong dina si Jilo karo Siti Megal Megol njubleg ning ngarep umahe inyong maning.." heh daning kon wis pada ning kene maning,mbokansih sida maring istana ?.

" Lah ora betah ora apa,ning istana".Si Jilo semaur.
“ Lah bisane ora betah?,mbok ning kana kepenak,kon bisa weruh apa bae,ana pejabat,ana panganan enak,tolih tempate mbok bersih?”.

“Inyong luwih betah ning kene om,ning istana inyong malah keliren,kepriben arep mangan,kabeh tempate panganan dipecicili ding penjagane,tolih krungu-krungu jarene wong njero istana saiki pada geng gengan,saling ndupak nyikut”, Siti Megal megol wadul maring inyong.

“ his ..his... sing bener bae kon,krungu sing sapa sih kon?,aja sokan gawe isu sing belih bener.”
“ Dih gena inyong krungu dewek sing JIN ( Jasad Intelijen Negara ).”

“ Ajiib maning kye ,iloken Wirog bisa kenal karo JIN,lah kon kenalane ning endi?,ning tempat karaoke nggon pasar wage kyeh mestine?.”

“ Hidiiihh...sori... sosor meri yah,inyong ketemune ning ruang karoke istana,deweke lagi karaokean karo kanca kancane,inyong karo megal megol umpetan ning ngisor sofa,jebulane ora karokean tapi pada cerita geng.”

“ wis wis lah aja cerita kuwe,mbok ana aparat sing krungu mengko dadi masalah gede,cerita liyane bae,..eh ya ning istana sih ana wirog seliyane kon belih?”

“ Diiih..kemerab nemen om jebulane,inyong gen kaget mbokan sih wirog sing mlebu istana mung inyong karo megal megol tok,jebulane wis ana sing ndisiti ning kono,malah bapuke ngungkuli inyong,wetenge mblendis-mblendis kaya wong meteng,malah jarene pada nduwe daerah kekuasaan dewek-dewek.”..
Si Jilo cerita banget semangate.”Tolih Wirog-wirog kuwe njaluki jatah upeti nggal wulan ning anak buahe,durung maning jatah THR anapan.”

“ Masya Allah...kepenak temen yah kwe Wirog,lah kon dewek lagi ning istana melu genge wirog sapa?”,inyong nambah penasaran bae,ning dunya perwirogan jebulane ya ana geng gengan,kaya ning dunyane menungsa.

“ Inyong karo Jilo melu genge wirog Dobal,inyong salah mlebu geng,sing arane wirog Dobal,ari memangan ora eling ning anak buahe,kabeh dileg dewek tok,mulane inyong karo Jilo dadi madan langsing.”

“ Lah ya mending rah,ora usah aerobic wis dadi langsing,sering-sering bae melu wirog Dobal,suwe-suwe awake kon-kon pada dadi kaya Ola Ramlan.”

“ Ola Ramlan apane,modar tah iya kena busung lapar”...Jilo njawab kementus nemen.

“ Kwe sih bisane ana wirog gede ning kono,ding penjagane ora dibedil yah,apa dipasangkala,mbokan nengsih gawe rusak ning istana?”...” Mbuh kwe om,kayane tah wirog Dobal karo liyane pada nein upeti ning penjagane nean,dadine angger lagi nyolongi panganan ning dapur istana,penjagane apen-apen ora weruh, soale inyong tau melu nggawakna karung  nggo wadah panganane,pas nyolong bengi-bengi,Wirog Dobal mbageni amplop mbuh isine apa ning penjagane.”

“ owh kaya kuwe yah,dadi wis langka bedane antarane wirog karo penjagane?,priyatin inyong tah ngringoknane”.
“ tolih priben kon ning istana pada olih tarok belih?”

“ dih ya alhamdulilah nemen om,inyong karo megal megol ning kana payu,wirog brondong-brondong pada pating pencilak ndelengna inyong karo megal megol”...” anu rah nean,kwe wirog brondonge heran weruh wirog crumut-crumut tapi bapuk”...” gweh ya rika tah senengane ngece”,Jilo ora trima.

“Inyong malah nduwe tarok loro”,Jilo semaur...”jarene brondong-brondong kwe,inyong kwe termasuk wirog WaRih”...” Warih sih apa jilo,inyong ora mudeng kweh?”...” Warih kwe artine Tuwa tapi gurih om”...”wkwkkwkwwkkk..penguk kaya kuwe jare ngakune gurih,kon kwe ibarat klapa wis langka santene,diperes sing metu kringet karo tai enome tok”...
” rika sih angger ora ngece sedina awake pada lara apa?,sing mau ngeceni bae,aja kene-kene rika menungsa,terus bisa sekepenake ngece ning kewan rah,inyong bagen kewan gen nduwe perasaan rah,suwe-suwe dipoyoki bae ya atine inyong lara”,raine wirog Jilo langsung njepaprut dumeh tak poyoki bae.

“ dih aja dilebokna ning ati rah,wong kiye tah guyonan,”..” lah yen ora dilebokna ning ati sih kudune dilebokna ning endi jajal?”
“ Lebokna bolongan cungurmu yakena Lo..wkwkwkw”...” Lah mbuh lah rika tah ngesuhna waduk nemen,pan lunga lah ora pan cerita maning”.

“ his his aja mutungi..wis giyan cerita maning,ngko tak nein luwihan martabak lebaksiu kaeh”...” mbarah tokna ndisit martabake,tolih kae bojone rika dilogog ndisit mbokan lilir,ngko cemburu maring inyong”.

“ wkwkwkwkw..iloken bojone inyong cemburu ning wirog...ora level yah,ya wis inyong mlebu ndisit njikot martabak”...inyong mlebu umah njikot wedang teh karo martabak luwihan nggo Jilo karo Megal megol.
“ Kyeh dipangani kudu dientekna,ari ora dientekna ngesuk ora pan tak nein maning.”

Barang tak pikir-pikir sing arane menungsa jebul mung sawang sinawang tok yah,ndelengna wong ning istana kayonge kepenak nemen,tapi jebulane sikut sikutan,blosok blosokan,pada kedaga daga nguber dunya ora peduli haram apa halal,pidahal sing dipangan ya sega-sega mayan,apa ana menungsa barang wis sugih terus manganine emas apa berlian?,nengsih dikira wong kentir belih?

“ Om,om..daning ngalamun?”,Megal megol takon maring inyong.
“ Anu...inyong lagi nyawang kon-kon pada mangan martabak luwihan gen kayong nikmat nemen,ndelengnane melu wareg”.

“Dih..kye inyong tembe mangan banget nikmate om,pidahal tah martabak luwihan,tapi ning gulu ora gawe seret,tolih mangane ya ora kudu lirak lirik,ari lagi ning istana pan mangan gen kudu lirak lirik,soale mbokan konanangan kwe panganan olih nyolong”.

“ nah kwe mulane kudu nrimani,yen rejekine wirog kwe ning sing dibuang ding menungsa,angger durung dibuang ding menungsa terus dijikot ding kon ya,ari lagi apes kon bisa dipateni.”

“ Wis lah ya ngesuk maning,inyonge wis ngantuk kyeh,mbokan kon pan pada turu,mana ning gledek umahe inyong,aja ning latar,delat maning kucing Mandung liwat”.

“ Iya..suwun ya om”....Jilo karo Megal megol pada mlebu ning gledeg,inyong mlebu tapi esih durung bisa turu,anjoge nyetel tivi nonton berita gunung kelud..” Gunung jare ngelud”.

Bersambung...Sumenep - 15022014