HIKAYAT SALAHUDIN,SOLEHUDIN karo USTAD SOLNJEPAT bag.3 ( Nembak )

Nganti anjog saur Solehudin ora bisa turu,kelingan raine si Neni Supriyatin bae,ngesuk angger pan nembak ngawali ngomonge kepriben,tolih ngesuk pan nggo klambi sing endi,nggo celana sing warna apa?,perlu nggo wangi wangian apa ora,deweke bingung,rumangsane klambi karo celanane wis butuk kabeh,minyak wangi ya anane minyake Mane merk Puccelle,nengsih angger nggo minyak wangi kuwe deweke dadi lenjeh belih..?


" lah jan,inyong kudu njaluk warah ning si gebleg Salah,mengko malah andon moyoki tok..asem...aseeemm...duwe kanca akrab tapi banget ngenekna waduk ", SOleh ngromyang dewek.


 Dina esuke,gasik nemen Solehudin ngingkling maring nggone Salahudin,deweke pan njaluk warah priben carane dandan ben katon keren ning ngarepi neni," Asalamualaikuuuummmmm....Sal...Sal...wis tangi durung,kebluk temen sih ",Solehudin nggedor-nggedor lawang umahe Salahudin.


" Walaikumsalam...eeh..si Soleh,tumben gasik nemen maring mene,kaeh si Salah esih ndekok,mbengi bar begadang mbuh ning endi",Mane Salahudin mbukakna lawang, ".
" gugah dewek bae ya Sol...inyong pan mangkat dagang ning pasar ", Mane Salahudin ngongkon maring Soleh.


" Iya Bi Kasni,angger ora tangi-tangi tak gabyug nggo banyu ",Solehudin semaur
" genah iya koh ari digugah kangelan nemen,kaya kiye ana wong tua kedangsakan boro-boro ngrewangi,angger kangelan gabyug bae yakena Sol",Mane Salahudin mangkat maring pasar karo nggrundel dumeh anak lanange ndablege belih umum.


 Solehudin ngindik alonan mlebu kamare Salahudin 'nah kiye gentenan inyong ngerjani si Salah,taun taunan inyong dikerjani karo dipoyoki bae ding menungsa siji kiye "sedurunge mlebu kamar deweke njikot banyu atis ning njero kulkas,tutup botole dibuka karo deweke mbuka sarunge Salah,banyune diguyurna ning kolore si Salah " Bismillahirohmanirohim...njimprak-njimprak kon salaaaaaahhhhh...tangiiiiiiii !!! ", Soleh ngguyur karo gendoakan.


" Subhanallooohhhhhh...subhanalloooohhh...ana apa kiyeee...wadooowww....daning endhas kadale inyong atis nemen ",Salah njerit separan paran.

" wkwkkwkwkwkwk....modar kon Salah,bonggane kebluk nemen,mengkirut-mengkirut kon endhas kadale ",Soleh ngakak.weruh raine Salah merah meruh nemen,nahan atis karo nyekeli endas kadale '.

" baaa..aang seeettt...linu nemen yakin sung endas kadale,belih umum kon tah ari ngerjani..haduuhhh...haduuuuhhh...bisa dadi endas cecek kiye tah..haduuuhhh...semreset nemen suuuuu...!

",Soleh menyat metu sing kamar maring dapur nggoleti banyu panas ning termos,deweke mlebu kolam banyune disrogna ning bak dicampuri banyu sing kolam,bar kwe deweke kungkum,bar kuwe adus sisan.


Antarane limalas menit Salah metu sing kolam," Kunyuk nemen kon,inyong lagi ngimpi karo bidadari jare disiram banyu es,nggugah ya nggugah rah,penjorangan nemen kon tah ",Salah nesih kesuh bae maring Soleh.

" Lah inyong tah dikongkon ding mane kon koh...pan dugal ya mana maring mane kon,pan mbales ya mana ning mane kon,angger mane kon lagi ndekok gentenan disiram banyu es ding kon...wkwkkwkwk ",Soleh ngledek nemen yakin,iloken mane soleh kongkon disiram carabikange.

" Nduasmu...durhaka nemen yah ari inyong kaya kuwe,..ana apa sih kon gasik nemen mene ?,ngganggu wong turu bae ",
"Inyong pan njaluk warah ning kon Sal,karo pan njaluk tulung,inyong ngko bengi bar traweh pan nemuni Neni",


" hisss..serius kye Sol ?,"...." Dih ya mbangkana seriuse yah ",Soleh semaur.
" Alhamdulilah Ya Allah,kancane inyong ternyata bener-bener lanang temenan,selawas lawas ora pacaran,mbokansih deweke arep dadi bencong,ya muga-muga dadi wong lanang temenan yah ",Salahudin ngomong karo tangane nyadong kaya wong ndonga.

" Aseeemmm...berarti awit gemiyen kon nyangka inyong bencong apa Sal....dih dih keliwat nemen kon tah,angger ngerti sing gemiyen kon nyangka kaya kuwe tah,sing gemiyen kon wis tak lelepna ning kedung yakin sung ".

" Wkwkwkkwkwkwk...yen dugal ya los balik mana Sol...kikikikikikikikkkk,inyong ora pan nulungi kon ",Salah mulai gentenan ngledek.

"wis kye tah serius Sal,priben mbarah kon nulungi inyong,pan nemuni wadon tapi kon ngerti dewek mbok,inyong ora nduwe pakaian sing keren,pisangkala nduwe, ana minyak wangi, minyak wangine Mane inyong merk Puccelle,mbarah ditulungi kyeh inyong,mbokan kon nduwe pakaian sing apik karo minyak wangine sisan ,inyong njaluk ",Soleh ngomong karo raine merkabak kayong pan nangis.


" wkwkwkkwkwkwk....Mane kon nggo Puccelle...bar nggo Puccelle Mane kon dolanan cincotan karo adine inyong sing esih SD kelas 5 yah Sol ",Salah moyoki mane Soleh.

" Apa hubungane Puccelle karo adine kon sing esih SD Sal..?",Soleh esih belih ngeh bae.
" Masya Alllooooohhh...kon tah jen bener-bener bekikuk nemen yah,kon ora tau ndeleng iklan ning tipi apa,minyak wangi Puccelle tah nggo bocah wadon sing durung metu kenthose rah...mbokan Mane kon tah wis koyar koyor ora nggenah kaya gajihe sapi...wkwkkwkw ",

" Diiihhhhh...yakin sung nandes nemen ning ati kon tah ari moyoki,wongtuane inyong diece seporete..terus rah ngece Mane inyong,bisa perang badar kyeh inyon karo kon ",abang nemen raine Soleh kayong pan ngamuk.

" Kye kon pan nulungi inyong apa andon pan moyoki inyong,angger andon pan moyoki tah inyong pan lunga,pan njalek tulung maring Ustad Solnjepat ", Soleh menyat deweke metu sing kamar,Salah ngudag nyekeli tangane.


" wis -wis ora usah mutungi rah..iya kye nyong pan nulungi kon,ngko kon nunggu ning kamar ndisit,inyong pan nggoleti pakean luwihane almarhum bapane inyong ",Salah mlebu kamare Mane,ngudal-ngudal lemari nggoleti pakean tinggalane bapane.

Almarhum bapane Salah kwe gemiyen anake wong paling sugih ning kampunge,jaman enome kwe sing paling keren,pakaiane sewulan sepisan tuku sing anyar.

" Kyeh sol tak nein pitung setel,ben nggal dina kon bisa ganti sing apik,kyeh jase sasetel nggo ngko bengi kon nemuni Neni ",

" Maturnuwun nemen yah Sal...kon bocah mblunat tapineng eman nemen karo sapa bae,inyong duwe sedulur Kaji wis ping telu tapi medite naudzubillah,boro-boro niliki inyong ketemu ning dalan gen angger ora disapa ndisit kedugalen,belih kelingan gemiyen lagi jaman suksese bapane inyong,deweke njaluk melu merantau ning bapane inyong,barang wis sugih klalen",Soleh nggrendeng sedulure.


" wiiisss...ora perlu nyritakna alane sedulurmu,saiki kon dadi ngerti endi sedulur sing temenan,endi sedulur sing mareke angger keluargamu lagi jaya tok,tolih ora perlu lara ati apa maning dendam ",Salah ngandani maring Soleh.



" Iya yah Sal...kon angger lagi waras tah omongane diringokna penak nemen,ning ati gawe adem,...tapineng angger lagi kelebon setan brekasakan,sapa bae digawe enek ding kon,...minyake sih endi Sal,aja nganti inyong mambu penguk ning jejere Neni rah..".Soleh ora klalen njaluk minyak sisan.

" Ngko tak jukutna minyak tinggalane bapane inyong,tapi aja digawa karo botole,tak wadahna ning plastik bae ya,soale mbokan Mane inyong nggoleti ",

" Ya ora papa Sal...suwun nemen yakin,muga-muga amale kon mbesuk sing bakal ngadang ngadangi waktu malaikat malik pan nyeblungna kon ning neraka jahanam ",Soleh ndongakna ning Salah.

" Bangkooong..!...ndongane belih ngenaki nemen yakin,kyeh diringokna ana haditse kanjeng nabi monine kaya kiye ( Wong ahli ibadah durung karuan mlebu surga,wong ahli maksiat durung karuan mlebu neraka ),dadi wong pada mlebu surga kwe mung merga melase Gusti allah ",Salah mulai metu dalil dalile.

" lah kiyeh Sal sing inyong gumun ning kon,ora kandegen mblunat tapi ngerti bab agama "Soleh ngomong karo ngacungi jempol.

" wis lah ora usah ngalem alem...buntute mesti belih enak maning kyeh ",
" kekkekkekekkek...ngertian nemen kon tah,ajiiibbb...bisa nembus atine inyong, kira-kira kon nduwe sepatu sing esih pantes dinggo ding inyong ora ?",rupane temenan soleh buntute njaluk sepatu.


" ana tapineng sepatune bapane inyong,kye tah kon nyilih bae ya,ngko angger wis nggo nembak Neni,gagiyan dibalekna,soale kwe sepatu kenang kenangane kawinane bapane inyong ",Salah mlebu maning ning kamare Mane njikot sepatu.

" Ajiiibbb...sepatu jenggel..sing jenggel ngarep mburi duwure limang senti,sepatu jadul nemen..tapi keren Sal ",
" ya keren nemen yah deleng rah esih kinclong kulite gen ".

" Ya wis lah sal,inyong balik ndisit ya,tulung mengko bar traweh kon maring nggone inyong ",
" Lah sih inyong pan apa nggone kon ? ",Salahudin semaur.
" Inyong diwaraih dandan Sal,seumur umur kan inyong urip ora tau dandan setil ",

" Wkwkwkkwkwkwkkw....dasaaarrr,...bekikuuuuuukkkk...bekikuuuuuuuuukkk...yawis mengko inyong mono ".

Solehudin pamit balik,deweke bungah nemen ditulungi ding Salahudin,dinein pakaian,dinein minyak wangi,disilhi sepatu napan.


bersambung.....