DONGENG WIROG 1

Bengi-bengi wayah bojo karo anak wis pada turu antarane jam setengah rolas,inyong metu ning ngarep umah,nyawang lintang nyawang wulan karo ngringokna suara jangkrik genggong,daripada bengong nyruput kopi bar kuwe udud samsu.



Lagi asyik asyike nglepus koh ana suara gemlutuk ning ngarepku,tak ilang ileng tapi ora katon wujude, kayong penasaran inyong menyat nggoleti ning endi yah kae suara,jebul sumbere suara sing ngisor bekas kandang kelinci,kandange tak geser...” Hayuuh sapa sing umpetan ning kene!,inyong nggeser kandang karo gendoakan...” astaghfirrullah !!!,jebul curut wirog loro gede-gede nemen,akune njimprak,wiroge ya melu njimprak.



“ampuun om..ampuun,inyong aja dipateni “ wiroge ngomong karo raine pucet.

Inyong nambah kaget maning..” subhanallah,heh wirog daning kon bisa ngomong?,apa kon wirog siluman?”...inyong takon maring wiroge.



“inyong dudu wirog siluman om,yakin sung pah dik inyong asli curut wirog”,

Inyong gumun,apa ndangan inyong mabok apa ngimpi yah,iloken inyong bisa ngobrol karo wirog,tak ciwit tangane inyong,jebul krasa lara,berarti temenan kiye tah dudu ngimpi.

“ om menungsa,daning nglegeg bae?” wiroge takon maring inyong.



“ anu rog,inyong lagi gumun koh dewek bisa ngobrol,mbok sing bisa ngobrol karo kewan tah mung nabi sulaiman?”.



“ ya nean kye sengajane sing gawe urip rah om,inyong karo rika dadi bisa ngobrol”.

“ oh kaya kuwe yah,yawis lah daripada langka kanca,inyong pan ngobrol karo kon rog,inyong pan takon gyeh,”kon duwe aran belih rog?



” yaduwe yah om,arane inyong jenifer lopez,undangane JILO,inyong asline curut amerika sing kegawa ding kontener lagi ning pelabuhan”...” oh berarti kon mlebune pendatang haram yah Jilo?...



” ngece nemen rika tah,ning dunia perwirogan ya langka paspor langka visa rah om,Lah rika sih arane sapa om?"



" Inyong arane Kober, lah kuwe sih wirog sijine arane sapa?,sing mau njetatut bae kayong bar kelangan demenane.”



“ inyong arane Siti Megal megol om,rika tah ngertian nemen yakin om,yen inyong bar ditinggal demenane”.



“ lah yong katon nemen,kwe rai njetatut kaya pincukan petis,tolih bisane kon-kon pada ning kene sih lagi anu apa,mbokan ning kene tah arang-arang panganan,bisane ora pada ning pasar?”.



Jilo semaur..”dih rika tah belih ngarti,inyong ning kene kwe lagi ngungsi,inyong karo kanca-kanca nggal dina dibedili bae ding kanca-kancane rika,kurang pegawean temen sih yah kanca-kancane rika,ari pan mbedil tah ning alas rah,mbedili celeng apa kidang sing genah iwake enak,angger inyong tah iwake gen ora enak”.



Siti Megal Megol ora ketinggalan melu semaur..” sing gawe inyong kesuh maning,ora kandegen kanca-kancane inyong dipateni bar kwe dijor digletakna ning tengah dalan,ora digawa balik,nggo digoreng apa dipanggang digawe lawuhan,kejem nemen mbok menungsa tah,bisane menungsa pada kaya kuwe sih om?”.



“ ya anu rah nean,kon-kon pada kwe dianggepe hama,nggawe rusak mulane kon-kon pada dipateni,lah yong maune ning kene kwe langka wirog,ana curut paling curut lemah karo curut ning trutug,kwe gen cilik-cilik,angger kon-kon pada awake gedene ora umum,mbok iyakha pada melu senam aerobic karo program diet ketat,ben langsing”.



” dih om,maune gen inyong awake ya langsing,ora gembrot kaya kiye,inyong mangan ya ora akeh nemen,dibandingna karo telihe rika nengsih gede telihe rika?”...Jilo semaur.

“Iya om,inyong dewek lagi gumun,maune awake inyong apik nemen kaya gitar kaliwadas,saiki dadi pating pendosol,padahal inyong sering nyolong jamu galian singset nggone mba yanti mburi umahe rika,tapi ajeg awake inyong ora bisa kempes,penyebabe apa donge yah om?”...Siti megal megol nambahi semaur.



“ Kayane tah merga panganan sing dipangan ding kon ana sing ora beres.”

“ora beres kepriben om?,inyong karo kanca-kanca mangane ya pada karo sing rika mangan,malah seringe luwihane bangsane rika”.



“dih gyeh,kon-kon sih ora nggatekna menungsa jaman saiki mbok cepet nemen gede tolih cepet baleg kwe ya merga panganan,wis saiki dipikir,ayam sayur kae kan asline ayam esih pitik disuntik stereoid, patang puluh dina langsung dadi bapuk-bapuk nemen,ora kandegen gede tapi suarane ajeg piyak-piyak,barang anuk ayame dipangan ding menungsa,ning daginge ayam sayur kwe akeh kandungan steroide,steroid kwe mlebu ning awake menungsa ndadekna menungsane dadi cepet gede”.



“ hob hob ndisit om,steroid kwe apa?”...Jilo semaur.



“ stereoid kwe gampange ngomong,obat sing nggo nggedekna awak”.

“ Lah terus apa hubungane karo masalah obesitas awake  inyong om?”...Siti megal megol takon karo ndlangos.



“hubungane ya ana,panganan sing ana kandungan steroid sing dipangan ding menungsa luwihane sing dibuang ning blumbangan dipangani ding kon-kon anjoge awake kone melu melar,sing akhire dadi curut ras anyar ya kwe ras wirog”.



“ dih dih nggilani temen sih,mbesuk maning inyong tah ora pan mangani ayam sayur maning lah,kweh si Jilo senengane metongsote ning pret chicken,jare dewek tah gaul,ora gelem mangan panganan kampung,sok kebarat baratan,buntute gen disemir kweh om,anjoge awake mblentot kaya kuwe,esih mending inyong pisan-pisan,bagen mblentot tapi sekel,ya belih om?”...Siti Megal megol ngomong karo matane kedep-kedep maring inyong.



“ eriiik..eriikkk,wirog bee pada pede- pede nemen,lenyed-lenyed nemen,sepira ayune yong panggonanmu ning got karo runtahan,aja kemayu lah”.



“sing kemayu sapa!..terus solusine priben mbarah om,melasi yah generasi anak-anake inyong,sing pada belih ngarti mangani steroid,ari inyong tah wis kadung,delat maning gen mati ikih,apa maning ari konangan ding kancane rika sing sokan pada nggawani bedil,krungu-krungu jarene rika akeh kenalan caleg-caleg om,mbarah usul maring calege rah mbokmenawa bae mbesuk bisa nggawe undang-undang larangan pitik ora kena disuntik obat steroid”.

“apa caleg!?...caleg-caleg kwe lagi pada mumet mikir bakale menang apa kalah,ora bakal bakala mikiri masalahe bangsa wirog kaya kon-kon pada”.



“Wis lah inyong pan turu,ndongenge ngesuk maning,wis mana pada merad sing adoh,ari kon-kon pada ora kepengin dibedil ya pada umpetan ning istana negara bae”.



Wirog Jilo karo wirog megal megol akhire lunga,inyong mlebu ning umah nyawang bojo karo anake inyong loro,dadi kepikiran maning aja nganti anake inyong diempani steroid.



bersambung...



 Kidung Setan Kober

Sumenep – 13 – 02 - 2014