DONGENG WIROG 8

"Tafakur kuwe,mikir atawa ngrenungi,ya ngrenungi apa bae ciptaane sing gawe urip,yen ora ngrenungi perjalanan uripe dewek sing wis dilewati,mbuh kwe enak apa ora enak,sing anjoge ndadekna hikmah nggo awake dewek "....inyong njelasna ning Jilo karo liyane.

" Oh kaya kuwe nong,mbokansih tapakur artine tapa karo kukur-kukur aliase kedik bae",..Kucing Mandung nylemong.

" hoooohhh..kwe tah kon rah Ndung,sing belih tau adus,mulane kedik bae isine kemerki"...kikikikikikkk...Jilo karo Megal megol cekikikan.

“ lah angger hikmah sih apa Kang..?”,..si Mandung semaur maning.
“ Hikmah kwe artine njikot manfaat sing kejadian atawa masalah sing bar dilakoni”...inyong njawab singkat bae.

“ Owh..berarti angger kaya kuwe,ari ngaji ilmu Hikmah asline tah ngaji pengalaman-pengalaman sing wis dilewati yah Kang?”.
“ Ya kaya kuwe lah gampange ngomong”.
“berarti ngaji hikmah ora kudu mondok ning pesantren yah Kang?”.
“ Ya jare inyong tah ora kudu,lah kader gemiyen Nabi Muhammad mondok?”...inyong takon ning si Mandung.

“ iya yah,...asline sing arane ilmu kwe sebenere ana ning awake dewek”...Si Mandung manggut-manggut,..” Tolih jarene Nabi Muhammad ora bisa maca ora bisa nulis,tapi bisaneng ayat Alquran sing pertama mudun Iqra ( Maca ),sih jaman semono Nabi Muhammad maca apa Kang,tolih mbokan?”...si Mandung takon maning.


“haduuhhh...takone ora rampung-rampung kon tah Ndung,sing arane Kanjeng Nabi ya Maca Alam Seisine,sing maca kuwe dudu mung cangkem,misal matane weruh Gunung,anjoge atine maca terus riset atawa analisa basa jawane niteni,gunung kuwe dititeni nganti sing awal kejadiane sampe seisi-isine,terus nganti ngerti dampak apik karo ora apike nggo menungsa kabeh,lah kwe sing dimaksud ( Iqra / maca ) ning Alquran”.

“ Ooo kaya kuwe nong,mbokansih mung diwaca tulisane tok,terus olih ganjaran”...si Mandung semaur.
“ Lah kon ngerti belih ganjaran kuwe apa?”...inyong gentenan takon ning si Mandung.
“ Ya belih ngarti Kang,mbarah apa artine ganjaran”.
“ Ganjaran kwe balesan sing Gusti Alloh nggo sapa bae sing nglakoni prentahe Gusti Alloh,..wis saiki dipikir ari dewek ngarti manfaate Gunung jebulane akeh nemen,kira-kira ndadekna dewek kepenak apa ora?”...” ya ndadekna kepenak ning makhluk sing gelem pada maca yah Kang?”.

“ Lah kuweh,Gusti Allah kwe langsung nein ganjaran angger dewek ngerteni karo gelem njaga ning alam seisine sebab weruh manfaate,mbokan ana ayat sing isine “ Gusti Alloh kwe belih seneng maring wong sing nggawe rusak”.
“ Brarti angger maca tok tapi belih weruh manfaate, ya ora olih ganjaran yah Kang,mung andon bengor tok cangkeme”.
“ ya kaya Kuwe nean Ndung,ora beda manuk beo,bisa ngomong tapi ora mudeng apa sing diomongna”.

“Hob...hob mandeg... kene-kene sih pada bae lanange,ari ndopok basane ndadekna mumet ning endas”,Jilo protes,Megal megol penjap penjep.
“ saiki gentenan inyong sing wadon – wadon pan takon”,Jilo semaur maning.
“pan takon apa Lo,musti takonane kon tah ora adoh sing brondong-brondong gyeh?...wkkwkwk “,...inyong ngledek ning Jilo.

“iya bener inyong pan takon bab Jodo,jarene kabeh kwe ana jodone,bisane ana wong sing belih kawin,hayuh kuwe priben njajal”.

“ Kwe madan dawa penjelasane,muga-muga kon ora bosen,inyong pan cerita jaman nabi Musa,cerita kiye mbokmenawa dadi jawaban pertakonane kon”,..” yen ora salah kaya kiye ceritane,jaman Nabi Musa ana santri sing banget patuhe,deweke ahli ibadah,deweke urip ning bukit dewekan,barang anuk banjir banget gedene,tapi deweke malah tirakat karo semedi bae ning bukit,terus banjire saya suwe saya gede,nganti bukite pan keleb,santri kuwe ndonga maring Gusti Alloh,

”Ya alloh inyong njaluk ditulungi ding panjenengan langsung”...deweke ndongane kaya kuwe,bar ndonga kaya kuwe ana prau cilik marek ning deweke,wong sing nggawa prau kuwe nawani...”Yuh Kang melu ning prau kiye”.

Tapi santri kuwe belih gelem melu,jawabane deweke...” Inyong ngenteni pitulunge Gusti Alloh langsung”,...anjoge prau cilik kuwe lunga.
“ Ora suwe ana prau madan gede marek,ya ajeg jawabane santri kuwe kaya sing mau tetep belih gelem melu,anjoge praune lunga maning,terus ana maning prau luwih gede marek,jawabane deweke kaya kuwe maning,anjoge prau kuwe lunga,ora suwe bukite keleb santri kuwe mati”.

“ Barang wis mati,critane ning alam kubur santri kuwe protes..” Ya Alloh bisane njenengan ora nulungi inyong?”.

Gusti Allohe njawab” Gyeh inyong wis usaha nulungi kon,nganti ngirimi prau ping telu,kone bae sing picek matane,inyong nulungi ya ana perantarane rah,ora ujug-ujug tangane inyong mbok slogrong nyawel tangane kon”.

Santri kuwe njerit ning alam kubur kajogan belih ngerti ning utusane sing gawe Urip.

“Lah kuwe pada bae karo wong sing ora kawin-kawin,wis pirang-pirang wong sing marek nawani bahterane tapi sing ditawani apiora,njaluke mbuh sing kayangapa,..mudeng belih kon Lo?”....inyong takon maring Jilo.

“ Iya madan mudeng om...haduuuhhh..pirang-pirang wirog lanang sing tak apiorakna,ning pikirane inyong,pisangkala ana sing gagah tapi ora sugih,pisangkala sugih tapi ora gagah,pisangkala sugih karo gagah tapi keminjal nemen..lah bah maning-maning tah saanane sing marek lah”.Jilo getun nemen.

“Saiki gentenan inyong sing takon Om”,Siti megal megol semaur.
“ ya giyan rah pan takon apa,aja mung bisane ndomblong karo manggut-manggut tok”.

“Kaya kiye om,jarene wong wadon kuwe sempalan balung igane wong lanang,tapi bisane wong lanang koh ana sing bojone luwih sing siji,apa balung iga sing disempale luwih sing siji,misal angger bojone papat brarti balung igane sing disempal papat?”.

“ Wkkkkkkwkkwkwk...cerdas nemen pitakonane kon Gol,kaya kiye rah Gol,angger kon nyempal balung ayam kira-kira ana remukan sing cilik-cilik belih?”.
“ Ya nean tah ana remukane om”.

“ Lah kuweh angger wong sing bojone luwih sing siji,nean Gusti Alloh nyempale kerosan dadine nganti ana remukan cilik-cilik,remukan sing cilik-cilike kuwe sing dadi bojo nomer loro,telu anjog sing nomr papat,angger remukane ana selawe ya mbojo ping nem likur...wkkwkwkwkwk”.

“ lah rika tah njawabe ngarang nemen,iloken kaya kuwe?”.
“ lah ya logikane kaya kuwe rah nean,muga-muga Gusti Alloh nyempal balung igane inyong lagi kesuh,dadine nyempale rosa anjoge remukane mambrah-mambrah...wkkwkwkwk”.

Jilo karo Siti Megal megol smaur bareng..” Wong saraaaa...aaa..aapp...njaluke penake dewek tok...”.

Kucing mandung mung ngekek tok.

“ Wis lah ngesuk maning ndopoke inyong wis ngantuk nemen kiye tah”...” Ngesuk tah ganti suasana Om,aja ning kene bae medang karo ndopoke”,Jilo semaur.

“ Lah sih enake ning endi?”
“ Ning lesehane Paijo bae Om,karo nyawang brondong-brondong”.

Bersambung...02032014