Syair Tanggap Sasmita

Ya rasulullah salamun alayk
Ya rafi'al-syani wal-daraji
'Athfatan ya jiratal-alami
Ya uhaylal-judi wal karami

Ya Rasulullah...Gununge mbleduk
merga menungsane angel diwuruk
emas duite ditumpuk tumpuk
ora kelingan mbesuk awake diuruk

Ya Rasulullah...Kaline Asat
sing munggah pangkat pada khianat
iwake ilang kedunge ilang
belih rumangsa rakyat sing berjuang

Ya Rasulullah...alase butak
kabeh aturan malah ditabrak
kewane mlayu mlebu ning kota
wis ora beda kewan karo menungsa

Republik Rame Ing Gawe

Festival Kesenian Bumiayu

Roadshow Puisi Menolak Korupsi @ Bumiayu

Inyong Seneng

Inyong seneng kon apa anane,
ora usah nganggo bedak kandel,
ora usah neka-neka nggo klambi strit,
biasa bae lah aja lenjeh aja lenyed.

sing tak senengi ning awakmu,
kuwe ngguyumu,
tulus ora di manis-manis lambe,
manjamu ora di gawe-gawe.

Kyeh mrene nok ayu,
tempelna ngguyumu ning ngguyuku.

he he he...

aja suwe-suwe,
mbok keweruhan tanggane,
ngko dilaporna RTne.

Mmmmuuuach...mmmuuuach..h..hhh...

( Bintaro - Jakarta - 18 - 04 - 2010 )

Merdeka..! , Jare Sapa..?

Merdeka!!!
jere sapa?
wong nyatane esih sengsara,
deleng bae ning njaba,
pada tukaran rebutan dunya.

uwong-uwong otakke dikumbahi ding iklan,
serba kepengine cepet singget,
ora peduli halal haram pan di pangan,
yen ora kelakon endase pada mumet.

yu..,kang.., mbarah pada sing sadar,
mbokan urip ning dunya mung sekedepan,
mbokan wis kaplak-kaplak kudune wis nalar,
bisane kelakuane kaya kewan.

Jan ana-ana bae rika tah,
wong landa wis bubar sampeyan malah njajah,
njajah negarane dewek sing belih lumrah,
wis disumpah tapi malah ora amanah.

ora usah umpetan ning jubah karo kopiah,
ora usah kakehen khotbah,
ning endi-endi akeh musibah,
kuwe tandane raimu-raimu belih amanah.

wis lah semene bae,
diterus-terusna bati kesuh tok,
mbokan bae dadi elinge,
wis ya wassalam...nganti ora kelingan durung nganggo kathok.

he he he
he he he...

( Bintaro - Jakarta - 19 - 04 - 2010 )

Jaman Kuwalik

meneng salah,
nyocot bae salah,
enyong kudu kepriben mbarah?

rika - rika sing wis tua donge tah sing dadi panutan,
lah kye tah malah pada jogedan,
aja pada nyalahna anake yen melu edan,
ndelE ngaca maning esih ajeg menungsa apa wis dadi setan.

mlaku lurus,
di anggep nglawan arus,
ngrusak tatanan,
malah dianggep pahlawan.

kye jaman,jaman kuwalik,
wong apik di arani syirik,
wong ora petha,
diarani dewa.

Dajjal kalungan ayat,
dikira nabi nggawa syafaat.
kongkon nyirami rohani,
koh malah pada ekting ning tipi.

Gelem dakwah yen ana duwite,
ora pada melas karo ummate.

nopo niku mboten bangset arane?

( Bintaro - Jakarta - 19 - 04 - 2010 )